Sporti kalon në plan të parëndësishëm në Bashkinë e Tiranës. Sigurisht, s’mund të jetë parësor në aktualitetin në të cilin jetojmë, por kjo nuk do të thotë që të lihet në harresë, madje të ‘fshihen’ edhe ato asete që janë ndërtuar prej vitesh.
Kryetari i bashkisë Tiranë, Erion Veliaj ka anulluar projektin për restaurimin e Kompleksit “Dajti” i cili është ndër pikat që i kanë dhënë ‘oksigjen’ futbollit shqiptar. Arsyeja e anullimit të këtij projekti shpresdhënës është për të vënë ‘duart në kokë’. Në tokën ku aktualisht ndodhet kompleksi do të ndërtohet një kullë e re 41 katëshe.
E për të ‘fshirë’ qurravitjet e atyre që kërkojnë mosprishjen e këtij kompleksi, Erion Veliaj do të ndërtoje 2-3 kalçeto aty pranë që duken si kocka për qentë pas darkave plot mish të pronarëve. Kujtojmë që sot e kësaj dite, Partizani ende nuk e ka marrë shpërblimin e premtuar prej 150 milionë lekësh nga Bashkia për titullin kampion, zbuluar kjo nga deputeti Erion Braçe.
Tirana u shpall kryeqyteti i sportit në vitin 2022, por kriteret për të fituar këtë titull nuk besojmë se janë shkatërrimi i fushave sportive për t’i mbuluar me beton.
Më poshtë mund të shihni projektin e anulluar të Kompleks Dajti dhe projektin e ri të kullës 41-katëshe. Nëse doni të shihni kalçetot poshtë kullës së re, shtrëngoni sytë dhe zmadhoni foton.
[gallery jnewsslider="true" ids="716694,716693,716692"]
Lexo gjithashtu
