Hapësire reklamuese

Çështjet kryesore

ARKIVA

S’ka pushim për Superioren, java e 18-të luhet në mesjavë (SFIDAT)

Shkruar nga NEWSPORT
S’ka pushim për Superioren, java e 18-të luhet në

Ditën e djeshme takimi mes Teutës dhe Egnatias mbylli siparin e javës së 17-të, për t’i lënë menjëherë skenën javës së 18-të e cila do të luhet në mesjavë.

Ditën e mërkurë më 25 janar, ora 13:00 në fushë do të zbresin Bylis-Vllaznia. Ballshiotët tashmë me një timonier të ri në stol pas shkarkimit të Arian Belllait, do të synojnë të rikthehen te fitorja në kampionat, ndërsa nga krahu tjetër shkodranët e Mirel Josës duan 3 pikët për të qenë në garë për titullin kampion, ndërsa do të shpresonin për një hap fals të kundërshtarëve për të marrë vendin e parë.

Po në të njëjtën orë do të luhet edhe dueli Laçi-Kastrioti. Kurbinasit pas 3 humbjeve radhas në kampionat kanë detyrim tashmë fitoren në shtëpinë e tyre, për të mos komplikuar edhe më shumë fatet e këtij sezonit. Nga ana tjetër, krutanët vetëm 1 pikë larg zonës së ftohte nuk kanë rrugë tjetër veçse fitores dhe në të tilla kushte në Laç pritet një “luftë” e vërtetë mës ekipe për të dalë nga ky takim me pikët e plota.

Ndërkohë nga ana tjetër më 26, të enjten do të përballen Egnatia-Kukësi ora 13:00. Rrogozhinasit vijnë pas dy barazimeve që kanë bërë të humbin paksa terren me kreun dhe ndaj verilindorëve në një krizë të thellë duan të sigurojnë 3 pikët në “Egnatia Arena”. E vështirë pritet të jetë për Rrahman Hallaçin që me djemtë e tij duhet të korrigjojnë gabimet dhe të ringrihen pasi makthet e rënies janë shumë afër.

Partizani-Teuta do të luhet në stadiumin “Partizani” duke nisur që nga ora 16:00. Nga demat janë larguar Bitri dhe Skuka me Giovanni Colellën që duhet të gjejë menjëherë zëvendësuesit e tyre për të bërë të mundur edhe ndërtimin e një formacioni fitues, pasi ndeshja me durrsakët është e një vështirësie të madhe. Të kuqtë kanë humbur vendin e parë dhe nuk u lejohen më hapa fals nëse kërkojnë të luftojnë për titullin. Nga krahu tjetët “djemtë e detit” janë ringjallur me Edi Martinin dhe tashmë janë vetmë 1 pikë larg nga vendi i 7-të dhe ndaj demave do të synojnë të dalin nga zona e ftohtë e klasifikimit.

Siparin e javës së 18-të do ta mbyllë dueli mes Erzenit dhe Tiranës, me takimin që do të luhet në “Niko Dovana” duke nisur që nga ora 19:00. Një sfidë mjaft e rëndësishme për shijakasit që tashmë janë vetëm 5 pikë larg kryeqytetasve që janë dhe kryesues. Ditën e enjte do të tentojnë një tjetër surprizë ndaj bardhebluve, me këto të fundit që duan të “blindojnë” vendin e parë.

ABISSNET SUPERIORE – JAVA 18

E MËRKURË 25.01.2023

13:00 Bylis-Vllaznia

13:00 Laçi-Kastrioti

E ENJTE 26.01.2023

13:00 Egnatia-Kukësi

16:00 Partizani-Teuta

19:00 Erzeni-Tirana

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga