Teksa
vëmendja e tifozëve shqiptarë është fokusuar në Francë, aty ku kombëtarja
kuqezi do të sfidojë në orën 20:45 kampionët e Botës, Francën,
Skënderbeu po ngroh “motorrët” për rinisjen e kampionatit. Skuadra
korçare e ka nisur mbarë edicionin e ri në Superiore, ku ka regjistruar dy
fitore dhe një humbje në tre javët e para në Kategorinë Superiore.
Gjithsesi, tekniku Ilir Daja kërkon që të konsolidojë sa më shumë ekipin dhe këtë
periudhë pushimesh kërkon ta shfrytëzojë pikërisht për këtë fakt. E për këtë,
bardhekuqtë kanë zyrtarizuar një miqësore përgatitore.
Ditën e sotme, skuadra korçare do të pres në aneksin e stadiumit “Skënderbeu”
Devollin. Takimi do të zhvillohet në orën 17:30 dhe pritet t’i shërbejë
teknikut Daja për të marrë të tjera inkursione nga të besuarit e tij.
© 2024 News Sport - Dev by Aplikacione.com.