Idi Batha padyshim ka qenë një nga lojtarët më të mirë të Tiranës në këtë sezon futbollistik. Transferimi i tij nga Flamurtari te bardheblutë rezultoi i suksesshëm. Brenda një kohe të shkurtër arriti të bënte gjëra të mrekullueshme duke u shndërruar në liderin e mesfushës së Tiranës. Sezoni dalëngadalë është drejt fundit dhe kësisoj drejtuesit duhet të përgatiten për t’i ofruar rinovimin.
Mirëpo s’duket të jetë e lehtë. Forma e mrekullueshme e lojtarit ka nxitur interesin e disa klubeve në Europë që kërkojnë shërbimet e tij. Dëshira e 27-vjeçarit është të provojë një aventurë jashtë vendit. E në të tilla kushte drejtuesit vështirë se mund ta pengojnë, veçanërisht një nga futbollistët që ka dhënë më shumë se 100 përqindëshin e tij në fushën e blertë.
Lexo gjithashtu
