FIFA ka publikuar sot renditjen e fundit për kombëtaret, me kuqezinjtë që vijojnë të jenë në vendin e 66 në botë, duke mos bërë përmirësime nga muajt e fundit.
Barazimi me Islandën në transfertë dhe humbja 1-2 në shtëpi me Izraelin për Nations League ka bërë që Shqipëria të jetë në të njëjtat pozita. Kuqezinjtë kanë mbetur pas Maqedonisë së Veriut dhe Islandës, ndërsa kanë lënë pas Malin e Zi me një pozicion.
Pozicioni më i lartë që kuqeznjtë kanë pasur në FIFA ka qenë vendi i 22, ndërsa më i ulëti ai i 124.
Kombëtarja kuqezi e femrave ka pësuar rritje, duke u gjendur në vendin e 74.
Në këtë renditje të këtij muaji, Kosova ka pësuar rritje në pozicion, duke u gjendur e 106 në botë.
Renditjen botërore e kryeson Brazili, ndjekur nga Belgjika, Argjentina, Franca, Anglia, Spanja, Italia dhe Holanda.
Loading ...
