Trajneri i Flamurtarit, Shpëtim Duro, pas barazimit 0-0 kundër Tiranës deklaroi: “Kishim mundësi të fitonim sot. E dominuam Tiranën. Mungesat e Bushiçit dhe Shkodrës ndikuan shumë. Megjithatë, mendoj se na leverdis kjo pikë e marrë në transfertë kundër një ekipi si Tirana.
Kam dëgjuar gjatë kësaj jave se Tirana ka mungesa, por edhe ne kishim shumë mungesa.
Kjo ishte java e parë që unë bëra stërvitje të plotë me ekipin. Edhe ne kemi lojtarë të rinj si Hyseni dhe Beqaj.
Unë e mora Flamurtarin në situatë të vështirë, por kam besim se do të bëjmë maksimumin.
Do kisha dëshirë ta merrja në një tjetër situatë Flamurtarin dhe me objektiva më të larta. Por, këmbëngulja e drejtuesve dhe njëkohësisht dhe dëshira ime për të trajnuar, sepse po bëja koha pa drejtuar ekip, plus emri i Flamurtarit ishin spunto për mua. Idea jonë është të shpëtojmë këtë sezon dhe më pas ngremë një projekt më të madh.
Unë e kam gjetur ekipin ditën e premte me 8 lojtarë, për shkak dëmtimesh. Të hënën u kompletuam disi, por kemi mungesa të rëndësishme si Berisha, Shkodra, Bushiç”, u shpreh trajneri i Flamurtarit, Shpëtim Duro për Supersport në emisionin “Gol pas Goli”.
Loading ...
