Presidenti i Skënderbeut, Ardjan Takaj, i cili për 4 vjet ka fituar pothuajse gjithçka me klubin bardhekuq, pas përfundimit të ndeshjes së djeshme, ka "shpërthyer" në akuza ndaj kryesorit Enea Jorgji.
Korçarët zbritën dje nga froni, por sipas Takajt, në një prononcim për panoramën, kjo erdhi në mënyrën më të turpshme të mundshme.
"Më vjen turp që jam pjesë e këtij futbolli. Unë po e them pastërtisht se nesër në mëngjes nuk kam se çfarë t'u them Shehit, Osmanit, Vngjelit, Salihit, Radasit, Jashanicës dhe të gjithë lojtarëve që luajtën ndaj Kukësit.
Ishte një turp që e pa e gjithë Shqipëria, Jo më kot ne kërkuarm gjyqtarë të huaj për këtë takim. I kërkuam ata pasi e dinim që kjo ndeshje kishte presion të madh.
Ajo çfarë bëri Enea Jorgji, ishte vetëvrasje për futbollin shqiptar", u shpreh Takaj.
E gjithë Shqipëria e pa se çfarë turpi ndodhi në futbollin shqiptar. Mua më vjen turp që jam president i një ekipi të Superligës", përfundoi Takaj.
Lexo gjithashtu
