Presidenti i Besëlidhjes, Gjok Noka, mesa duket nuk e ka kapërcyer dot humbjen e shansit përt'u ngjitur këtë vit në Kategorinë Superiore. Në një prononcim të dhënë për panoramën, Noka u shpreh se barazimi erdhi si shkak i ndikimit të gjyqtarit. Ai gjithashtu ka hedhur edhe akuza të rënda për FSHF-në.
"Armand Duka, si "Ali Baba me 40 hajdutët", me familjen e arbitrave të tij po i kalon limitet e vjedhjeve duke e shkatërruar totalisht futbollin shqiptar, Ky është një turp. E pa e gjithë Shqipëria se me çfarë lloj pislliku u ngjit Kamza në Superiore.
Që në fillimin e sezonitKamza i ka fituar ndeshjet në këtë mënyrë, duke u ndihmuar fare hapur nga arbitrat "pastrues" të Dukës.
Ta mbajë mend mirë se me veprimet e tij, Duka na ka shkatërruar ekonomikisht duke na shumëzuar me zero investimet tona private. Por do të vijë momenti që do të ma paguajë privatisht.
Si përfundim, doja të theksoja se sa të jetë Armand Duka në FSHF, nuk do të ketë futboll të pastër", përfundoi i irrituar Noka.
Lexo gjithashtu
