Shkumbini ka gjetur trajnerin e ri. Vladimir Gjoni do të jetë timonieri i ri, i cili do të marrë në dorë “frenat” e skuadrës që luan në Kategorinë e Dytë.
Ka qenë vetë klubi që ka zyrtarizuar stafin e ri në krye të skuadrës, të cilët kanë si objektiv ngjitjen e peqinasve në Kategorinë e Parë. Kujtojmë se Gjoni është trajneri i 3-të për këtë sezon që drejton Shkumbinin, teksa më parë në stol janë ulur Çapja dhe Bilali, të cilët nuk patën sukses dhe u larguan nga ekipi.
“Shkumbini Publikon stafin e ri.
Pasditen e së hënës ekipi i shkumbinit i është rikthyer seancave stërvitore në kuadër të përgatitjeve për fazën e dytë të kampionatit.
Drejtuesit e Shkumbinit zyrtarizuan stafin e ri për këtë sezon. Vladimir Gjoni do të jetë trajneri i ri i shkumbinit në fazën e dytë.Së bashku me stafin e tij i është besuar nga Presidenti Kasa detyra e vështirë për ngritjen e ekipit në Kategorinë e parë.
Nga ana e tij Gjoni u shpreh se ndjehet i kënaqur me rikthimin në Peqin tashmë si trajner.Njëcerek shekull më parë Vladimir Gjoni ka qenë një sulmues shumë i dashur për tifozërinë peqinase me golat dhe kontributin tek Shkumbini në kategorinë Superiore.
Po ashtu drejtuesit e Shkumbinit kanë zyrtarizuar edhe "peqinasin" tjetër Anxhelo Suta në rolin e Drejtorit Sportiv në ekipin e Shkumbinit.Po ashtu Suta u shpreh:Ndjehem i kënaqur por edhe shumë i motivuar pasi Peqini dhe Shkumbini janë shtëpia ime.Dëshiroj të bëjmë më të.mirën për realizimin e projektit të presidentit dhe kthimin e ekipin mes më të mirëve në kategorinë e Parë e më tej.
Presidenti Ali Kasa uroj Një vit sa më të mbarë e të sukses-shëm lojtarëve dhe stafit të ekipit të Shkumbinit”, thuhet në postim.
Lexo gjithashtu
