Kukësi ka zhvillua ditën e djeshme seancën stërvitore në orën 10:00, ku ekipi në drejtimin e trajnerit Peter Pacult ka nisur përgatitjet anti-Vllazni. Në seancën e djeshme ka pasur një përplasje mes Besar Musollit dhe Albi Allës.
Në një dyluftim me njëri - tjetrin, kosovari ka ndëryrë keq ndaj Allës, në këtë moment Alla ka lënë topin dhe i është drejtuar Musollit duke i thënë: "Ej, kujdes mor burr, cfarë është kjo ndëryrje kaq e ashpër, kujdes!"
Ndërkohë që e menjëhershme ka qenë përgjigja e Musollit, i cili i është kthyer Allës duke i thënë: "Çfarë thua more, asgjë nuk ishte?!" Në këtë moment ka qenë trajneri Pacult që ka qetësuar situatën. Tekniku i verilindorëve njihet për disiplinën e hekurt, këtë gjë e ka treguar dhe dje.
Pacult ka vendosur që për Musollin dhe Allën të marrë një masë jo shumë të ashpër. Të dy lojtarët kanë qenë të detyruar të vrapojnë rreth fushës deri në një urdhër të dytë të kroatit. Në fund të stërvitjes mësohet se gjithçka i është kthyer normalitetit dhe të gjithë kanë dalë të kënaqur, ku nuk kanë munguar dhe shkatë mes Musollit dhe Allës pas dënimit që kroati mori ndaj dy protagonistëve.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
