Eduart Rroca nuk po përjeton sezonin që ëndërronte në ligën e parë turke. Paraqitjet fantastike me Istanbulspor sezonin e shkuar dhe dëshira për Kombëtaren, janë zbehur këtë stinor, me fantazistin që gjysmën e ndeshjeve i ka kaluar në stol ose tribunë.
Lojtari nga Librazhdi ka pësuar një dëmtim që e ka mbajtur jashtë ekipit, teksa është aktivizuar vetëm 146 minuta këtë sezon, kjo shpërndarë në gjashtë ndeshje. Vetëm një asist në kaq javë janë shumë pak për Rrocën, që me formën e tij mahniti Turqinë sezonin që kaloi.
Jo më kot skuadra e Istanbulspor ishte në play-off për një vend në Superligë, teksa një dorë ia dha edhe shqiptari, që gjeti rrjetën nëntë herë në 27 ndeshje, nga të cilat 26 titullar.
Ndryshe nga viti I shkuar, Rroca këtë vit po përjeton një kalvar dëmtimesh, që e kanë mbajtur jashtë ekipit, njëjtë si ndeshja e sotme e Istanbulspor, me fantazistin që gjendet në tribunë.
Lexo gjithashtu
