Reginaldo Faite nuk është më lojtar i Shkupit në Maqedoninë e Veriut. Mediet në vendin fqinj bëjnë me dije se 30 vjeçari është larguar pas vetëm katër muajsh me skuadrën bardheblu që në përbërje ka shumë shqiptarë.
Sulmuesi është një emër i njohur në Shqipëri, pasi ka luajtur me Luftëtarin, Laçin dhe Kukësin ndërsa nuk do jetë më pjesë e bardhebluve të Shkupit, edhe pse këta të fundit janë pjesë e Europës sezonin që vjen, duke e mbyllur kampionatin të dytët, pas Shkëndijës.
Në Shkodër kanë hapur sondazh në lidhje me sulmuesin, teksa kërkojnë që të jetë pjesë e skuadrës për garat europiane. Ende nuk ka diçka zyrtare nëse lojtari nga Mozambiku dëshiron kthimin në Shqipëri, apo nëse kanë nisur kontaktet me të. Në 14 ndeshje me Shkupin, Reginaldo shënoi 2 gola.
Lexo gjithashtu
