Kanë përfunduar ndeshjet e javës së parë në Kategorinë e Parë. Edicioni i 71-të i Kategorisë së Parë ka nisur në mënyrë spektakolare ku në 9 ndeshje janë shënuar 17 gola. Dinamo ka marrë një fitore minimale në shtëpi ndaj Veleçikut. "Blutë" patën mundësi të kalonin që në pjesën e parë në avantazh, kur Sefa gaboi nga pika e bardhë e penalltisë, por Sheta mendoi në pjesën e dytë duke i vënë vulën takimin me golin e tij.
Besa ka zhgënjyer që në ndeshjen e parë duke u mposhtur nga Pogradeci me shifrat 2-1. Pretendentët për t'u ngjitur në Superiore Bylisi dhe Elbasani janë mposhtur jashtë shtëpisë përballë Orikut dhe Egnatias. Vedheblutë u mposhtën 2-0, ndërsa ballshiotët ishin të pafuqishëm për të ndalur ekipin nga Rrogozhina. Apolonia nga ana tjetër jep përgjigjen e duhur duke fituar minimalisht me golin e Idershas ndaj Turbinës. Sfida midis Tomorit dhe Lushnjes ka përfunduar pa fitues 1-1. Lushnjarët kaluan të parët në avantazh në minutën e 31-të me Sulkjen, ndërsa beratasit vendosën çdo gjë në baraspeshë nga pika e bardhë e penalltisë në minutën e 65-të me Çapon.
Tabela e plotë me të gjitha rezultatet e javës së parë të Kategorisë së Parë paraqitet si më poshtë:
Java e parë/ Kategoria e Parë
Grupi A
Dinamo - Veleçiku 1-0 (Sheta 63')
Shënkolli - Vora 1-0 (perghlni 81')
Erzeni - Iliria 2-1 (Lajthia 29', Teqja 53'/Turkaj 44')
Besëlidhja - Burreli 2-1 (Pasha 4', 93'/Djidjiwa 68')
Grupi B
Pogradeci - Besa 2-1 (Topllari 45', Pere 53', Çekiçi 49')
Tomori - Lushnja 1-1 (Capo 65'/Sulkja 31')
Oriku - Elbasani 2-0 (Azizaj 28', Dhrami 59')
Egnatia - Bylis 1-0 (Dimo 39')
Turbina - Apolonia 0-1 (Idersha 18')
Lexo gjithashtu
