Sfida e shpëtimit për TIRANËN, bardheblutë kanë në dorë fatin e ZE MARIAS

Tekniku i Tiranës Ze Maria është personi i parë ndaj të cilit është ngritur gishti për degradimin e skuadrës. Braziliani ndien që stoli i tij po lëkundet nga java në javë. Pavarësisht se pati një besim të madh ndaj tij nga drejtuesit e klubit dhe me gjithë prurjet në këtë merkato, Ze Maria nuk ka arritur të ndërtojë një ekip të qëndrueshëm. Tekniku i bardhebluve po qëndron në fije të perit pasi fati i tij në stolin e 24-herë kampionëve të Shqipërisë varet nga ndeshja me Luftëtarin. Nuk pranohet barazimi pasi një rezultat i tillë do ta linte Tiranën shumë prapa kundërshtarëve. Për momentin ai e ka të garantuar punën si trajner i Tiranës, por kjo është e përkohshme dhe Ze Maria nuk ka kohë të tepërt për t’u menduar. Nga ana tjetër është dhe kontrata që braziliani ka me drejtuesit që e lejon të qëndrojë deri në fund të sezonit. Prandaj në datën 16 shtarot Tirana nuk luan vetëm për veten dhe për tifozët por dhe për Ze Marian.