Esin Hakaj është lojtari më në formë i Partizanit në këtë sezon futbollistik. Mbrojtësi i linjës së majtë ka shkëlqyer duke dhënë një kontribut të madh për arritjen e objektivave sezonalë. Është futbollisti me më shumë minuta në kampin e kuq teksa ka realizuar dhe 1 gol të rëndësishëm ndaj Kastriotit në këtë fazë të fundit të Superiores.
Paraqitjet pozitive kanë rënë në sytë e të huajve. Burime të besueshme bëjnë me dije për Newsport.al se nga Hungaria ka interes për shërbimet e lojtarit. Emri i ekipit nuk preferohet të zbulohet, ndërsa theksohet se me shumë gjasë e ardhmja e tij do të jetë larg Shqipërisë. S’mbetet gjë tjetër veçse të pritet përfundimi i sezonit për të mësuar përfundimisht skuadrën e sezonit të ri të mëngjërashit shkodran.
Loading ...
