
Beshiktash-Napoli do të jetë ndeshja që do të hapë siparin e takimeve të Champions League për mbrëmjen e sotme, takim që do të startojë në orën 18:45, ndryshe nga 7 sfidat e tjera që do të nisin në 20:45.
Për këtë përballje, trajneri i Napolit ka vendosur të fusë titullar edhe Elseid Hysajn, mbrojtësin kuqezi që Sarri e la në stol në sfidën e kaluar kundër ekipit turk.
Ndërkohë që edhe sulmuesi Lorenco Insinje do të jetë titullar, pavarësisht përplasjes që pati me trajnerin Sarri në ndeshjen e fundit që Napoli humbi me Juventusin.
Formacionet zyrtare:
BESHIKTAS (4-2-3-1): Fabricio; Bek, Marselo, Rodolfo, Tosiç; Atiba, Inler, Tolgai; Kuarezma, Adriano, Abubakar
Trajner: S. Gunes
NAPOLI (4-3-3): Reina; Hysaj, Maksimoviç, Kulibali, Goulam; Alan, Zhorzhinjo, Hamshik; Kalehon, Insinje, Gabiadini
Trajner: M. Sarri