Sa shumë konflikte me futbollistët, Dervishi bën rrëmujë Kukësin pas Partizanit

Dritan Dervishi disa muaj më parë iu bashkua Partizanit për të marrë detyrën e drejtorit sportiv. Në pak muaj arriti të krijonte disa konflikte të brëndshme me lojtarë si Vrapi, Bici, Mazrekaj apo dhe me këshilltarin e presidentit Demi, Sulejman Starovën. Më tej, Dervishi u konfliktua edhe fizikisht me drejtuesit e Tiranës por kjo është një kapitull më vete. Fundi i sezonit solli largimin e tij nga Partizani për të marrë drejtimin  e Kukësit sërish në rolin e drejtorit sportiv. Mund të jenë rastësi por me ardhjen e tij nisi një eksod masiv tek skuadra verilindore. U largua trajneri Hasan Lika, administrator Ekrem Spahia, për të vijuar me lojtarë si Ladrovci, Guimaraes, Erik Flores, Scepanovic, kapiten Malota apo dhe Gledi Mici që më tepër duket i ikur se sa i Kukësit për sezonin e ri. Malota bëri disa akuza të forta për drejtuesit duke nënkuptuar drejtorin Dervishi si njeriu që bën negociatat dhe në të njëjtën linjë ishte dhe akuza e bërë së fundmi në facebook nga Gledi Mici. Të jenë të gjitha rastësi?! Dervishi është gjithmonë aty ku ka sherr apo akuza për tu bërë…