Pas një merkato pa shumë bujë, Partizani do të zbres mesditën e sotme në fushë në një derbi kryeqyteti.
Të kuqtë do të sfidojnë në orën 14:00 Kamzën, në një duel ky synimi i vetëm janë 3 pikët. Përpara kësaj sfide, trajneri i të kuqve, Skënder Gega u shpreh optimist, ndërsa shtoi se kundërshtarët e kanë futbollistin më të fortë në pankinë (Ernest Gjoka).Gjithsesi përballë ndaj kamzalinjve, tekniku Gega do i mbetet besnik emrave të hedhur në fushë gjatë dy fazave të para, pa përjashtuar arnimet e vogla.
Kështu në portë Alban Hoxha e ka vendin e sigurtë. Para tij do të vendosen treshja "triufuese" e Korçës, Ibrahimi-Belica dhe Rexhepi, me këtë të fundit që në krah të tij do të ketë prurjen më të fundit te të kuqtë, Hektor Idrizaj. Një ish i kësaj sfide, ku debutimin me 15 herë kampionët e vendit do ta bëj pikërisht ndaj shokëve të tij.
Çelsat e mesfushës, Gega pritet t'ia besojë dyshes së përhershme tashmë, Atanda-Telushi. Ndryshe nga hera e kaluar maja e sulmit pritet t'i besohet Hebajt, me Bardhin që mund të pozicionohet pas tij, duke luajtur rolin e një "9" false. Në mbështetje të gjigandit shkodran, pritet të vihen Mala e Asani.
Në krahun tjetër Ernest Gjoka pritet të përgjigjet me të njëjtën skemë lojë, me një 4-2-3-1. Sulmi pritet t'i besohet Martinenës,ku në mbështetje të tij do të jenë Rezi, Fukui dhe Plaku. Dyshe e hekurt në mesfushë, ku Malaj e Mehmeti do të mundohet të ndërtojnë lojën e kamzalinjve dhe të prishin aksionet e kundërshtarit.
Vija e mbrojtjes pritet të jetë e rinovuar, me Gjeorgjevski e Bonani që do të mbulojnë krahët, me Qaqi e Arrabal që do bëjnë digën para portierit Avdyli.
Lexo gjithashtu
