Futbolli shqiptar na ka mësuar tashmë me vendime befasuese me largime, shkarkime, ndryshime, dorëheqje e shumë të tjera që vijnë atëherë kur nuk e pret. Tashmë është bërë rrugë dhe i rradhës që befason opinionin publik është Skerdi Bejzade.
‘Arusha’ ka dhënë dorëheqjen nga posti i trajnerit të Laçit, mëson shtypi i shkruar. Bejzade u emërua vetëm 1 muaj më parë në krye të kurbinasve duke zëvëndësuar Stavri Nicën dhe me bardhezinjtë arriti të grumbullojë 6 pikë në 5 ndeshje, 2 fitore e 3 humbje.
Bejzade i ka komunikuar vendimin presidentit Laska ditën e sotme dhe palët janë ndarë me mirëkuptim me njëra-tjetrën. Nuk dihen ende arsyet pse Bejzade vendosi të japë dorëheqje, por tashmë mbetet vetëm zyrtarizimi nga ana e Laçit të cilët duhet të gjejnë trajnerin e tretë këtë sezon.
