Ardit Hoxhaj u lidh me një kalim në kampionatin turk të futbollit. Bulumspor bëri një ofertë konkrete në drejtim të Vllaznisë, teksa kjo u refuzua nga shkodranët që bindën sulmuesin të mbyllte sezonin me ta.
250 mijë euro ishte shuma që do fitonte 26 vjeçari vlonjat nëse kalonte në ligën e parë turke, për një periudhë prej 2 vitesh e gjysmë.
Për sulmuesin nuk ndalen këtu aludimet për kalimin në Turqi. Mediat bëjnë me dije se edhe Samsunspor ka qenë në bisedime me lojtarin, aqsa kjo gjë mbahet e fshehtë.
Hoxhaj ka ndjekur nga llogaria e tij profilin zyrtar të Samsunspor në rrjetet sociale, profilin e trajnerit dhe presidentit të klubit turk. Akordi me Vllazninë për një kontratë të re duket se nuk e ka “bindur” lojtarin, që me gjasë nga kërkesat e shumta në verë mund të largohet nga Shqipëria.