Tani llogaritë bëhen me laps në dorë. Nis xhiroja e fundit e ndeshjeve në grup dhe ato skuadra që pretendojnë të kualifikohen si e treta më e mirë, e dinë mirë çfarë duhet të bëjnë. Po çfarë thotë rregullorja në rastet, kur ka barazim pikësh? Si do të bëhet diferencimi. Përveç golaverazhit, vlerësim jepet edhe për kartonët, kështu që kuqezinjtë duhet të shënojnë sa më shumë gola dhe të marrin sa më pak kartonë. Ai karton i kuq i Canës mund të ketë kosto të madhe. Ja rregullat:
1.Numri më i lartë i pikëve të grumbulluara.
2.Diferenca e golave të shënuar dhe të pësuar në 3 ndeshjet e grupit, në rast barazimi me pikë.
3.Në rast se pika 1 dhe pika 2 nuk janë të vlefshme për të bërë diferencën mes ksuadrave, kualifikimin e siguron ajo që ka shënuar më shumë.
4.Nëse ka sërish barazim në 3 pikat e para, diferenca bëhet nëpërmjet kartonëve që janë marrë. Saktësisht, një karton i kuq vlerësohet me -3 pikë, kurse një karton i verdhë me -1 pikë. Në varësi të kartonëve të marrë në 3 ndeshjet në grup, fiton ekipi më korrekt.
5.Pika e fundit, nëse nevojitet, është pozicioni i Kombëtares në renditjen e UEFA-s. Kualifikohet skuadra e pozicionuar më mirë.
