Federata Shqiptare e Futbollit me OK-in e klubeve arriti të ulte nga 6 në vetëm 4 lojtarë të huaj të lejuar në fushë në ndeshjet e kampionatit. Një rregull i pranuar fillimisht e i kundërshtuar më pas nga klube të ndryshme.
Shpesh herë ka patur nisma nga Kukësi, Tirana, Flamurtari apo dhe Skënderbeu për ta ndryshuar këtë rregull. Asnjëherë nuk janë bërë mjaftueshëm klube për të ndryshuar këtë rregull që dëmton vetëm klubet, askënd tjetër.
Nevojitet që minimalisht të bëhen 6 miratime nga ekipet e Superligës për të ndryshuar këtë rregull të shkruar në mbledhjen e radhës të Komitetit të FSHF-së.
Merkato e janarit është mundësia për të riparuar problemet e hasura në pjesën e parë të sezonit, por në këtë periudhë është e pamundur të gjesh lojtarë shqiptarë të lirë. Klubet janë detyruar të shohin jashtë për të afruar përforcime por edhe në këtë mundësi, sërish janë të limituar për shkak të rregullit që vetë pranuan disa vite më parë dhe vetë nuk e ndryshojnë.
Lexo gjithashtu
