Armando Sadiku ka qenë i ftuari kryesor në emisionin “Allez Show” në “Super Sport” mbrëmjen e sotme. I pyetur nga drejtuesit dhe të ftuarit e tjerë ai ka treguar gjithçka rreth karrierës së tij, nga luajtja pa lekë dhe me kostumin veshur, deri te kërkesa e çmendur e Zyrihut për ta lënë të lirë, 7.5 milion euro. Fjalët tona do të duken të tepërta, ndërsa iu ftojmë që më poshtë të lexoni atë që ka shprehur sulmuesi 25-vjeçar.
“Kam luajtur edhe pa lekë në karrierën tim në Shqipërië. Më ka shtyrë një besim në zemrën time. Kam besuar se dhe 10 sekonda . Ndonjëherë më zinte gjumi me unfiformën e ndeshjes dhe me këpucët veshur për ndeshjen e nesërme. Babi më ka shtyrë dhe kjo më ka dhënë forcë të eci përpara dhe të arrij këtu. Ishte një periudhë kur luajta në Elbasan, po kaloja periudhë të keqe, nuk paguheshim mirë. Para se të bëja një incident me një arbitër, ish-menaxheri im më kishte mundësuar një kontratë. Incidenti ndodhi dhe unë u pezullova për dy vjet. Por, doja të falenderoja Qazim Sejdinin dhe presidentin Duka që më falën dënimin. Ilir Shulku ka qenë i gjithë strumullari që bënë presidentin që të më falnin. U premtova që do ua shpërbleja, e vetmja gjë është në futboll. Kur mbaroi ndeshja me rumaninë shkuam te tavolina e presidentit dhe i thash: Tani jemi barazim. Më është bërë mësim ajo që më ndodhi me incidentin në Shqipëri. Drejtori Sportiv më tha që çdo karton që do të marrësh, do e paguash me paratë e tua, kur shkova në Zvicër.”
Ndryshimi i skuadrës: Zyrih – Vaduz: “Nuk e ndieja që të shkoja të luaja te Vaduzi, ishin shumë dobët dhe kishin shënuar shumë pak gola. Kisha dhe oferta të tjera, që të shkoja dhe në Bundesligë, por nuk më garantonin që të luaja. Kur fola me trajnerin e Vaduzit, ai më tha: çelësat e sulmit ti jap ty, ti vendos kë do marrësh në formacion për sulmin”.
Përgatitja personale te Vaduz: “Unë atje kam një menaxher shumë profesionist që ka shumë staf të gjerë. Për çdo futbollist ai e merr shumë seriozisht. Më shikonte që në Zyrih luaja i stresuar. Armando në Zyrih nuk po tregonte veten e vet. Ai kuptoi se unë kisha nevojë për trajner personal. Nuk pranova në fillim, por më pas e pranova. Shkoj çdo javë paguaj për këtë trajner personal dhe e shoh botën në një mënyrë tjetër, përherë e më mirë. Një psikolog i bën mirë futbollistëve. Tani jam 25 vjeç dhe më pëlqejnë këshillat dhe të mësoj më shumë. Futbolli nuk ka fund. I shoh gjërat ndryshe dhe me tjetër profesionalitet. Jam i kënaqur që kam gjetur këtë njeri”.
Zyrihu: “Është e vërtetë që Zyrihu kërkon 7.5 milionë euro për mua. Pas një bisede që menaxheri ka bërë të premten që kaloi me drejtuesit e skuadrës, ata i kanë kërkuar këtë shumën. Zyrihu ka refuzuar disa oferta. Ata kanë thënë 7.5 milionë euro kushton kartoni”.
Pozicionimi: “Jam sulmues, por dua që edhe të kthehem. Gjuaj me të dyja këmbët njëlloj dhe kam preçizion në gjuajtje. Kam luajtur me Edgar Çanin dhe ndjehesha shumë mirë. Më pëlqen shumë të jem sulmues i dytë, por edhe nëse luaj si sulmues i parë nuk kam problem. Kam nevojë për një “numër 10” pas meje. Edhe në minutë të fundit besoj se do të shënoj”.
Refleksioni: “Rastet humben edhe nga lojtarë edhe më të mëdhenj. Por, sensi qëndron se si do reagosh më vonë. Duhet ta pranojmë që jemi të vegjël dhe ne si skuadër duhet të pranojmë se 2-3 raste krijojmë. Po prisja lëvizjen e portierit të Zvicrës”.
Formacioni: “Mund të luaja unë me Balajn, ose unë me Cikalleshin. Në krah të të dyve kam shënuar gol. Si me Balajn dhe me Cikalleshin jam ndier mirë dhe kam shënuar, por edhe Cikalleshi ka shënuar”.
Emocionet: “Ishte një moment që po prisja dhe kur kaloi presidenti që ishte i përlotur, më erdhën dhe mua më erdhi për të qarë. Ishte shkarkim emocionesh. Jam i ndjeshëm si njeri. Në Francë nuk po e kuptoja se çfarë kishim bërë. Ti kisha ditur këto emocione që kanë përjetuar shqiptarët, do të bëja 20 kilometra, jo 10 që kam bërë në mënyrë që të kualifikoheshim”.
E ardhmja: “Nuk dua të them asgjë për të ardhmen, sepse jam në kontratë me Zyrihun edhe për një vit. Preferoj të luaj në Bundesligë”.
“Gjendja civile”: Jam i lirë, nuk kam as të dashur as të fejuarë.
https://www.youtube.com/watch?v=VLpl0Bh0zBk
Lexo gjithashtu
