Shqipëria nuk arriti të fitonte në Poloni, madje nuk mori asnjë pikë. Skuadra e drejtuar për herë të parë nga Sylvinho bëri një paraqitje pozitive, por në fund është rezultati që vlen. Trajneri brazilian foli pas takimit duke treguar atë që nuk shkoi në këtë sfidë. Megjithatë ka besim se ky grup vlen dhe në të ardhmen mundësitë do të jenë progresive. Në fjalën e tij pas humbjes 1-0, Sylvinho tha:
A quhet një humbje e hidhur? Dominuam dhe gati morëm barazimin.
"Ndeshje e vështirë, Polonia një skuadër që luan në Botëror e Europian me lojtarë të mëdhenj por ne bëmë një ndeshje të mirë. Lojtarët e kuptuan menjëherë idenë dhe filozofinë e futbollit. Në pushim fola goxha me djemtë, u thashë të luanim fort dhe mirë. Mund të merrnim pikë dhe pse jo fitoren. Lojtarët e kuptuan shumë mirë, nuk humbën toruan. Më erdhi shumë keq pasi rezultati i duhur ishte barazimi por ky është futbolli."-tha trajneri.
A ka diçka për t’u përmirësuar?
"Zemra dhe shpirti që kërkuam ishte në fushë, ekipi reagoi mirë. Futbolli që ne duam, që lufton që luan me topin. Besoj se kemi dicka për të përmirësuar në këtë drejtim por janë gjëra të vogla. Ndoshta pjesa mbrojtëse dicka për të korigjuar por kishim një skuadër të fortë përballë. Do të analizojmë të gjitha momentet e ndeshjes për të kuptuar më shumë. Shpirti dhe zemra që kërkova sot ishin në fushë dhe jam i kënaqur për këtë. Skuadra i'u përgjigj atyre që kërkova.
Polonia luan me topa të gjatë me krosime, kjo të bën që të krijosh pak hapsira dhe bëhet më e vështirë për të presuar kundërshtarin. Duhet korrigjuar në këtë sens. Fakti që Gjasula ishte para mbrojtjes ishte prej kësaj pasi është i gjatë dhe i fortë në ajër. Duhet të punojmë shumë."-u shpreh braziliani.
A duhej rrezikuar në minutat e fundit për të pasur rrezikshmëri në sulm?
"Nga minuta 65 kur bëmë ndryshime dhe rrezikuam por Polonia me një kundërsulm mund të vriste ndeshjen. Lojtarët e kuptuan shumë mirë. Hodhëm në fushë eferin dhe Bajramin. Nëse do të kishim mundësi të shënonim do të ishte një festë. Në minutën e 70 bëra zëvëndësime për të rrezikuar më shumë. Mund të rrezikonim edhe më shumë por kjo ishte ndeshja."-mbylli Syvinho.
Lexo gjithashtu
