Në pak minuta Rey Manaj është kthyer në personazhin e ditës në mediat spanjolle. Kjo falë paraqitjes së mirë që bëri sot me Barcelonën në miqësoren me Gimnastic.
Këto ndeshje zhvillohen për të nxjerrë në pah aftësitë e lojtarëve të ekipeve të dyta, pasi Manaj luan me Barcelona B. Portalet e gazetave sportive spanjolle e kanë kthyer shpejt atë në personazhin kryesor.
“Shënoi duke treguar saktësi dhe teknikë të madhe. Ishte me shpatulla nga porta dhe në anë, bëri një gjysmë kthese dhe lëshoi një goditje të fortë me të djathtën duke çuar topin ngjitur me shtyllën. Një tjetër lojtar i akademisë që shfrytëzoi mundësinë që iu dha. Sulmuesi shqiptar regjistroi një tregolësh”, shkruan “Marca”.
“AS” ndërkohë vendos titullin “Mbreti ishte Manaj”, duke bërë lojë fjalësh me emrin e sulmuesit që në Spanjisht përkthehet mbret.
“Mundo Deportivo” shpjegon se Kuman sot ia zgjidhën ndeshjen lojtarët e akademisë, ndërsa Manaj si një “9 e pastër” shkëlqeu me tre golat e tij.
Loading ...
