Kategoria e Parë mbylli javën e 23-të me ndeshejt që u luajtën sot në orën 15:00. Skënderbeu dhe Dinamo bënë detyrën duke marrë fitore përballë Korabit dhe Besës dhe vazhdojnë garën e ngushtë për titullin. Nga gara ka dalë Flamurtari që u ndal në barazim pa gola me Burrelin dhe shkon -4 dhe -5 nga Dinamo e Skënderbeu.
Fitore shumë të rëndësishme kanë marrë edhe Luzi me Turbinën teksa mposhtën në transfertë 0-1 Besëlidhjen dhe Orikun. Kavajasit futen në zonën Play-Off ndërsa Cërrikasit afrohen me zonën Play-Out. Pa gola u mbyll ndeshja Tomori – Apolonia.
Këto rezultate sollën edhe ndryshime apo situata të tjera në tabëln e renditjes. Kështu, Skënderbeu dhe Dinamo janë shumë pranë rikthimit në Superiore ndërsa Flamurtari shpreson për një mrekulli në 3 ndeshjet e fundit.
Në zonën Play-Off, Besa dhe Apolonia u parakaluan nga Luzi dhe rrezikojnë shumë megjithëse gara është shumë e ngushtë me vendin e katërt që i ndan vetëm 4 pikë nga vendi i tetë.
Për mbijetesë gara është shumë e nxehtë. Turbina hyri në “valle” teksa tashmë është vetëm 1 pikë larg Lushnjes dhe 3 nga Burreli në zonën Play-Out. Oriku dhe Besëlidhja nuk i kanë punët mirë.
*Shënim: Tërbuni është i përjashtuar nga gara*
