Rekord i çmendur shqiptar, tre vëllezërit që po çmendin gjithë botën, luajnë për tre Kombëtare të ndryshme

Kemi dëgjuar shpeshherë shprehjen “mu nda zemra dysh”, por këtë herë do të dalë në modë shprehja “mu nda zemra tresh”, sepse në një familje janë tre djem dhe luajnë për tre flamuj të ndryshëm, jo ekipesh, por shtetesh. Kjo ngjarje ndodh në familjen Xhaka. Ka tre djem, njëri luan me Shqipërinë, Taulanti, ndërsa Graniti për Zvicrën dhe Agoni ka zgjedhur të përfaqësojë Kosovën.

Agon, Granit dhe Taulant Xhaka

Por, për kë do të bëjë tifozeri familja Xhaka, sidomos nëna e tyre që në ndeshjen Shqipëri – Zvicër kishte një fanellë me dy flamuj, ndërsa nëse këto tre kombëtare do të jenë në një grup, mos ndoshta do të veshë fanellë me tre flamuj?! E pra, kjo është situata më e çuditshme që një familje të mbështesë tre fanella shtetesh të ndryshme për shkak të futbollit!

Graniti dhe Taulanti luajnë në qendër të mesfushës, ndërsa Agoni luan në krahun e djathtë të saj. Vetëm këtu qëndron ndryshimi, pasi po të luanin për një Kombëtare, ata do të sfidonin njëri-tjetrin për një vend në formacion.