Anësori i Kombëtares shqiptare, Odise Roshi, është rikthyer të bëhet pjesë e grumbullimit të Kombëtares për ndeshjen miqësore me Arabinë Saudite të mërkurën në orën 16:30. Futbollisti ka qenë një ndër “viktimat” e fiksimeve të trajnerit Reja për skemat dhe vitet e fundit Shqipëria ka humbur shpërthimet e tij në krah. I ftuar në emisionin “Zona Gol” ai flet gjerë e gjatë dhe çuditërisht del pro rinovimit të trajnerit.
“Kam kaluar një dëmtim të rëndë por tani jam rikuperuar plotësisht. Është hera e parë që shoh kaq shumë lojtarë nga Superiorja në Kombëtare. Është një shans i mirë ndaj Arabisë Saudite. Shorti i Europianit është i mirë, kemi konkurrentë Çekinë dhe Poloninë, por mund t’ia dalim pasi lojtarët janë më të mirë që kemi pasur ndonjëherë. Kemi shumë kualitet dhe mund të shkojmë në Europian.
E ardhmja e Rejës? Trajneri është njeri shumë i mirë dhe një trajner i madh. Është shumë i komunikueshëm me lojtarët, do kisha dëshirë që trajneri të vazhdojë. Por, varet nga trajneri dhe presidenti. Trajner shqiptar? Nëse dikush merr përgjegjësitë që mund ta çojë skuadrën lart, pse jo”, u shpreh Roshi.
Lexo gjithashtu
