Refik Halili ka qenë sot prezent në prezantimin e trajnerit të ri të Tiranës, Orges Shehit. Presidenti i bardhebluve ka folur për situatën në të cilën gjendet aktualisht skuadra e tij.
Kreu i i kampionëve të Shqipërisë i faturon një pjesë të mirë të fajit edhe fatit pasi dëmtimet e kanë penalizuar ekipin bardheblu. Në fjalën e tij përpara mediave, Refik Halili deklaroi:
“Gjatë gjithë kësaj periudhe për fat të keq nuk kemi ecur mirë. Nuk mund të rrimë pa trajner dhe mendoj se kam zgjedhur të duhurin, pas shumë bisedave të bëra. E njoh, është një kampion, me pak fjalë. Besoj se do të bëjë mirë edhe te ne si trajner.
Marrëveshja? Sot në klubin tonë kemi një situatë ku pikët janë të pakta. Ky është problemi më i madh. Për të tjerat jam optimistë prej skuadrës që kemi. Na ka munguar fati. Sa i takon kontratës, është e pafundme nëse ka rezultate të mira. Nëse gjërat shkojnë mbarë ai qëndron. Nëse jo, vjen trajner tjetër. Nuk mund të ndryshojmë trajner se humb një, dy apo pesë. Shpresoj ta vazhdojmë një rrugë të gjatë me Shehin.
Objektivi? Ju e dini më mirë se unë, flas për ekipin tim. Besoj te skuadra, kemi 7 lojtarë kombëtaresh. Gjërat do t’i marrim një e nga një. Kemi punë shumë, me licencimin dhe infrastrukturën. Nuk kemi shumë fjalë të bukura për të thënë. Do flasim në fushë dhe do ecim përpara. Kjo besoj se është e treta e vërteta, siç ndodhi vjet.
Ndërhyrjet të trajnerët? Kam dëgjuar disa trajnerë që kanë folur. E dini vetë se çfarë kanë thënë. Nëse kanë thënë që ndërhyn, merreni të mirëqenë. Nuk jam i çmendur, jam shumë i kujdesshëm në këtë vendim. Nuk bëj dot marrëzira. Jemi njerëz dhe nuk është gjë e keqe të bëhen sugjerime. Puna bëhet në bashkëpunim. Na erdhi keq që e prishëm marrëveshjen me ish-futbollistin tonë (Dede).
Në drejtim të klubit mendoj se kam bërë gjithçka mirë, duke nisur nga infrastruktura. Shumë shpejt shpresoj të vijë një lajm i mirë për punën që kam bërë dhe ato që kam thënë do i bëjmë. Kam bërë goxha mirë, nuk jam i penduar për largimin e një trajneri, kushdo qoftë. Kur humb, ata e pësojnë. Osmani ka bere një punë të mirë në merkato, bashkë me drejtorin, mua e sportistë të tjerë.
Jam i fokusuar tek akademia, por aty kërkohen trajnerë të kualifikuar. Ishin Devolli e Memelli, duhet shumë punë. Nëse shesim lojtarë të rinj, do i zëvendësojmë me ata të akademisë. Sot nuk fusim dot 7-8 lojtarë nga akademia dhe të kërkojmë titullin.
Nëse mungojnë financat, atëherë është problem. Presidenti plotëson kushtet. Në këtë drejtim jam në rregull, ju e keni parë vetë. Zhbllokuam merkaton në kohë rekord, sollëm lojtarë cilësorë. Nuk ka çfarë bën më mirë klubi. Nëse thonë që e bëj, por nuk ka vlera, nuk ka problem. Kam besim absolut, skuadra është aty.
Lojtarët? Nuk kam thënë se trajnerët nuk kanë bërë punë të mirë. Dede është rast i rrallë. Nuk kam asnjë koment për të. Lojtarët janë aty. Përgjegjësinë e diskutojmë tani që është grupi më i plotë. Torassa na ka munguar dy ndeshje, Batha ka dalë me të kuqe. Kanë marrë penalitete në drejtim të pagës, që u dhemb. Grupi është aty, edhe skuadra. Merkaton nuk e kemi bërë sipas qejfit. Grupi i lojtarëve është”, ka thënë kreu i klubit të Tiranës.
Loading ...
