E ardhmja e Kylian Mbappe është shndërruar në një “telenovelë”, teksa pista Real Madrid vazhdon të jetë prezente. Sulmuesi francez ka kontratë me PSG-në deri në qershor të këtij viti, ndërsa tashmë është i lirë të firmosë me çdo skuadër në këtë merkato.
Sigurisht që “Los Blancos” nuk mund të presin pafund dhe siç është raportuar prej ditësh, madrilenët i kanë vendosur ultimatum 25-vjeçarit. Spanjollët kërkojnë që deri më 15 janar të merret një vendim.
Kushti i vendosur nga Reali gëzon Liverpool. “The Reds” po stadiojnë pistën e “Mbappe” dhe po shikojnë me imtësi çdo detaj për të përfituar nga situata dhe për të tentuar transferimin e sulmuesit. Kjo e gjitha pasi kushti nuk i ka pëlqyer aspak 25-vjeçarit sipas raportimeve të francezes “L’Equipe”. Mbetet të shihet se çfarë do të ndodhë mes palëve në ditët në vazhdim.
Lexo gjithashtu
