Shqipëria doli e mposhtur nga Dusseldorfi, teksa Spanja i mposhti 1-0. Një nga protagonistët e sfidës ishte David Raya. Gardiani i portës së spanjollëve i tha “JO” Armando Brojës në pjesën e dytë.
28-vjeçari pas sfidës theksoi se ndeshje ishte shumë e bukur. Ndër të tjera nënvizoi se e dinin që Shqipëria nuk ishte një kundërshtar i lehtë, pasi kuqezinjtë kërkonin kualifikimin.
“Ishte një ndeshje shumë e bukur e të gjithë grupit. Ne e dinim absolutisht se Shqipëria nuk ishte kundërshtar i lehtë. Ata luanin shanset për të kaluar. Kemi dominuar të gjithë ndeshjen, la një shije shumë të ëmbël dhe jemi shumë të lumtur për fitoren.
Rastet e Shqipërisë? Në pjesën e parë i shënuam golin dhe i tronditëm, por e dinim që kishin nevojë që të shkonin përpara, ndeshja thyhet dhe ky është momenti kur shfaqen rastet.
Jam i lumtur që mora minuta dhe që munda të ndihmoj ekipin dhe të siguronim tre pikët”, tha Raya pas ndeshjes për mediat spanjolle”, theksoi gardiani i Spanjës.
Lexo gjithashtu
