Sot, në orën 19:00 Partizani do të zbresë në fushën e lojës, për të luajtur ndeshjen e kthimit në Europa League përballë Sheriff Tiraspolit. Në takimin e parë, të kuqtë u mundën me rezultatin 0-1, me një gol të pësuar që në pjesën e parë.
Mirëpo, kualifikimi në raundin tjetër nuk është i pamundur. Pavarësisht se moldavët mund të favorizohen nga rezultati i "Selman Stermasit", përsëri gjithçka mbetet e hapur. Madje, Partizani mund të kualifikohet për në raundin e 3-të edhe me një gol të vetëm. Nëse kampionët e Shqipërisë shënojnë një gol, e më pas nuk pësojnë deri në fund, përfshirë këtu edhe shtesë, gjithçka do i drejtohet pikës së bardhë të penalltisë.
Nuk ka asnjë diskutim që do të jetë e vështirë, po nuk është e pamundur, sepse futbolli jo në pak raste ka treguar se nuk kualifikohet ai që ka avantazhin e ndeshjes së parë, sepse këto ndeshje luhen 180 minuta, ose më shumë, dhe jo vetëm 90 minuta.
Lexo gjithashtu
