Alesio dhe Aureli janë dy fëmijët të cilët mrekullisht shpëtuan ditën e tërmetit të madh që preku Shqipërinë duke u hedhur nga dritaret e pallatit. Në kohën që të dy fëmijët ndodheshin në spital, kryeministri Rama shkoi dhe i takoi personalisht, teksa iu premtoi dhe një takim idhujt e tyre të futbollit.
Ditën e sotme të dy fëmijët janë surprizuar teksa kanë udhëtuar me kryeministrin Rama drejt Italisë, për të takuar dy legjendat e futbollit dhe Juventusit, Cristiano Ronaldo dhe gardianin e Italisë, Buffon.
Dy fëmijët kanë patur një bisedë miëqësore me futbollistët teksa kanë marrë dhe fanellat e firmosura nga dy lojtarët. Buffon ka shkruar në fanelën e dhënë për Alesion: Për mikun tim Alesion. Ndërsa dy futbollistët me Aurelin kanë bërë shaka duke i thënë se ngjan me Verratin.
Biseda e plotë:
Rama: Këta dy fëmijë kanë pasur një tragjedi me tërmetin. Njëri është hedhur nga kati i 3-të i pallatit, ndërsa tjetri është hedhur nga kati I 4-të. Unë shkova në spital dhe i pyeta që çfarë dëshiron? Më tha që kam idhur Cristiano Ronaldon dhe dua një bluze të tijën. Ju falenderoj shumë që jeni këtu pasi ata janë shumë të lumtur.
Buffon: Janë vllezër?
Rama: Jo nuk janë vllezër, por jetojnë në të njëjtën pallat dhe kanë kaluar një tragjedi dhe kanë humbur disa prej familiarëve të tyre.
Buffon: Si mund t'iu shërbejë?
Rama: Kemi fanelat që t'I firmosni.
Buffon: Sa vjec janë?
Rama: Njëri është 7 vjeç, ndërsa tjetri është 10 vjeç. Kemi pësuar një tragjedi që ka pasur 51 viktima.
Buffon: Të gjithë nga tërmeti?
Rama: Po të gjithë nga tërmeti.
Buffon: Ky (Aureli) I ka sytë njësoj si të Verratit (Qesh)
Ronaldo: Po e vërtetë. (Qesh) Po nuk luan futboll.
Buffon: A luan futboll?
Aureli: Po po luaj.
Rama: Luan futboll, por është pak mbi peshë (Qesh)
Buffon: I duhet pak stërvitje që të dobësohet.
Rama: Faleminderit Ronaldo. Nuk është vetëm për këta, por është e rëndësishme për të gjithë fëmijet dhe shtetin tonë.
Ronaldo: Nuk asnjë problem.
Rama: E di që keni një ndeshje të rëndësishme nesër.
Ronaldo: Po.
Rama: Jam shok I afërt me Taren dhe me tha që do ta keni të vështirë nesër ndaj Lacios.
Ronaldo: Mirupafshi Verrati (Duke i thënë me shaka Aurelios).
Buffon: Mirupafshim djema.
Rama: Faleminderit Ronaldo dhe Buffon.
Rama: Jam një tifozë I vjetër I Juventusit. Juve është si fe.
Buffon: Ne në Coverciano (Vendi ku grumbullohet kombëtarja italiane), kishim një kuzhunier shqiptar që na thoshte se në Shqipëri kemi një klub tifozësh të Juventusit të çmendur.
Rama: Është e vërtetë ka shumë tifozë shqiptarë dhe ti je Papa. Mirupafshim.
Lexo gjithashtu
