Babai i mesfushorëve Granit dhe Taulant Xhaka, Ragipi, në një deklaratë për mediat kosovare ka sqaruar çështjen e kalimit të djemve të tij që të luajnë për fanellën e Kosovës. Ai ka dhënë detaje pse ata ende nuk kanë kaluar në radhët e skuadrës më të re, ndërsa shton se Zvicra e ka "bllokuar" Granitin.
[caption id="attachment_12948" align="alignleft" width="300"]
Granit dhe Taulant Xhaka[/caption]
Sa i përket Taulantit, ai thotë se FFK-ja duhet që të bëjë veprimet e duhura që djemtë e tij të luajnë për Kosovën. “Granitin përfundimisht FIFA nuk e lejon të luaj për Kosovën. Federata e Futbollit të Zvicrës ka 15 ditë që ka dërguar listën në FIFA, e cila është konfirmuar. Emrat janë regjistruar dhe ka mbaruar ajo punë. Në bazë të informatave që kam marrë nga avokati im, i cili ka pyetur në FIFA, është bërë e ditur se lojtarët që janë pjesë e përfaqësueses së Zvicrës kanë status special”.
“U kam kërkuar krerëve të FFK-së të afrohen dhe të bisedojnë edhe me Federatën zvicerane për të gjetur një zgjedhje dhe nëse do të kishte pasur të drejtë atëherë ne do të nisnim proceduarat. Por, nuk kemi mundur të dorëzonim kërkesën individuale kur FIFA nuk e ka sqaruar situatën. Nëse do të refuzohej kërkesa e Granitit, me bindje të plotë them se Zvicra kurrë nuk do t’ia kishte hapur derën. Por, kur shikojmë nga ana tjetër, edhe sikur të kishte të drejtë të luante, nuk i kthehet në këtë formë shpina Zvicrës”.
Tradhtarë - "Është e vërtetë që kam thënë se të dy djemtë e mi do të luajnë për Kosovën, por është deklaruar totalisht e kundërta nga FIFA. Të gjithë ata që kanë thënë se Graniti është tradhtar, të tillë janë vetë”, ka qen kjo përgjigja nga babai i tre lojtarëve që luajnë për tre kombëtare. Taulanti me Shqipërinë, Graniti me Zvicrën dhe Agoni me Kosovën.
Lexo gjithashtu
