Ndonëse te Partizani ka pasur lëvizje të reja pas vitit të ri sa i përket stafit teknik, ekipi ka zbritur në fushë thuajse i njëjtë, me ndryshime të pakta gjatë 90' minutave të takimeve. Së fundmi, trajneri Klevis Dalipi po mendon të projektojë një skuadër të re duke u mbështetur te prurjet e reja që te të kuqtë nuk është se kanë dhënë shumë deri tani.
Bëhet fjalë për Edgar Çanin dhe Lukas Kardozon. Që të dy janë projektuar ta nisin si titullarë në takimin e ardhshëm që kryeqytetasit luajnë ndaj kurbinasve. Kardozo pritet të zëvendësojë Trashin, ndërsa ishi i Kombëtares shqiptare do të zhvendoset në majën e sulmit.
Ndaj Laçit në fushë me shumë mundësi do të zbresë sërish Mala, ndonëse Telushi është rikuperuar. Këto pritet të jenë "eksperimentet" e radhës nga ana e Dalipit edhe pse ende nuk ka diçka të konfirmuar nga ana e teknikut.
Lexo gjithashtu
