Largimi i Bojan Zogovic ka lënë një boshllëk të madh te Vllaznia. Shkodranët prej javësh tashmë kërkojnë një portier për t’i besuar “çelësat” e portës për sezonin e ri.
Prej ditësh përflitet se shkodranët kërkojnë portierin e Korabit, Avernold Qyranin, i cili pëlqehet shumë nga drejtuesit. Në ldihje me këtë zëro dhe një kalim të mundshëm në Shkodër ka folur gardiani i Korabit.
Për “Shkodra Sport” ai ka theksuar se nuk ka asgjë të vërtetë dhe deri në këto momente nuk është kontaktuar nga akush.
“Unë tek Vllaznia? Nuk më ka kontaktuar asnjë njeri nga KF Vllaznia. Nuk e di se kush e ka shkruar dhe nga ku dalin lajme të tilla. Unë jam akoma në kontratë me Korabin. Asgjë që është shkruajtur deri më tani, nuk ka qenë e vërtetë”, ka përfunduar 25-vjeçari.
Lexo gjithashtu
