Presidenti i KOKSH, Viron Bezhani ka bërë apel për të rikthyer sportin. Në një lidhje me “Fan zone” ai u shpreh se i ka dërguar dy letra Qeverisë për të lejuar stërvitjet për 14 sportisët që do të konkurojnë për medalje europiane. Sipas tij nuk ka asnjë problem që sportistët të stërviten në ambientet e jashtme.
“E vlerësoj vendimin e Qeverisë që vendosi të rifillonte futbolli. Kemi pasur një takim të dytë me Ministinë për të rifilluar edhe sportet e tjera dhe ne duhet të bëjmë një takim urgjent që mos t’i lënë sportet në këtë gjendje. Ka sporte që nuk ka arsye që të pengohen dhe gjysmat e sporteve ne i kemi jashtë.
Kemi disa sportisë që pretendojnë për të marrë medalje si Briken Çalja. Ne nuk jemi kundër masave, por jemi kundër vëmendjes që po tregohet ndaj sportit. Ne kemi mundësi t’i marrim masat për 14 sportist që të stërviten pa u rrezikuar.
Të gjithë drejtuesit në Qeverinë nuk e vlerësojnë dhe nuk i njohin vlerat e sportit. Ata e kanë marrë si argëtim, por sporti nuk është argëtim. Në të gjithë sportin kalon e gjithë rinia që edukohet dhe këta nuk e kanë idenë. Këta nuk kuptojnë ku po e çojnë rininë dhe po e çojnë jashtë vendit. Mjafton të kthejmë kokën nga Kosova për të parë se çfarë kanë bërë, kanë bërë edhe ligjin e shumë shpejt do të jenë në vend të parë në Europë.
Në parlament nuk flasin njëherë për sportin dhe në këtë kohë pandemi sportistët nuk u vlerësuan e as nuk u futën në pagesën e luftës. E vlerësoj masën dhe nuk kërkoj asgjë vetëm të flasim për të bërë më të mirën.
Unë them me bindje të plotë që këta 14 futbollistë janë me nivel europian dhe ne do t’i krijojmë mundësi që të stërviten”.
Shtyja e Olimpiadës? “Sportisët që kemi do të jenë në të njëjtën formë siç ishin. Atleti dhe dy boksierët kanë arritur një formë shumë të mirë dhe janë e ardhmja e Shqipërisë.
Ne nuk kemi një drejtori për sportin dhe nuk kemi një vlerësim për sportin. Askush nuk mendon se çfarë do të bëjmë, por të gjithë mendojnë për interest e tyre të ngushta”.
Loading ...
