Humbja me Francën ka bërë që një përqindje e konsiderueshme e shpresave të kuqezinjve për t’u kualifikuar në turin e 1/8-ave të shuhet. Por, trajneri Xhani De Biazi dhe ndihmësit e tij nuk i kanë ngarkuar lojtarët pas kësaj sfide. Ata kanë vendosur që stërvitja të nisë nesër, kështu lojtarët kanë 24 orë më tepër liri për takimin e radhës.
Kuqezinjtë do të ndeshen me Rumaninë mbrëmjen e 19 qershorit, aty ku do të varen fatet e të dyja skuadrave, të cilat duhet t’i rrëmbëjnë patjetër fitoren njëra-tjetrës që të kenë mundësi që të luajnë në turin pasardhës. Shqipëria do të ketë mungesën e Kukelit, i cili ka marrë dy kartonë të verdhë, ndërsa Rumania do të ketë tre mungesa në 11-she.
