Kapiteni i kombëtares zvicerane Stafan Lihshtajner u ka dal në mbrojtje shokëve të skuadrës Xhaka dhe Shaqiri ndaj të cilëve FIFA ka hapur një hetim disiplinor në lidhje me festimin e cilësuar si politik me simbolin e shqiponjës pas shënimit të golave kundër Serbisë.
Në një intervistë për gazetën britanike "the Telegraph", lojtari i Arsenalit e ka quajtur qesharak pretendimin e serbëve për provokim nga festimi i dy lojtarëve me origjinë shqiptare. "Ai nuk është simboli i Shqipërsië së Madhe. Ai është thjesht simboli i flamurit të shqiptarëve, që përdoret nga minoritetet shqiptare në Mal të Zi dhe në Maqedoni. Si mund të quhet provokim simboli i flamurit të një shteti". deklaroi Lihshtajner.
Ish-futbollisti i Juventusit shtoi gjithashtu se ata që provokuan realisht janë tifozët serbë. "Provokim ishin këngët e serbëve 'vritini shqiptarët vritini shqiptarët', dhe bluzat që kishin veshur me foton e Ratko Mlladiç që është një kriminel lufte", ishin fjalët e Lihshtajner që duket tepër i acaruar nga kjo situatë, duke u dalë në mbrojtje të fortë futbollistëve shqiptarë që luajnë me Zvicrën.
[gallery columns="1" size="full" ids="250158"]
Lexo gjithashtu
