Shqipëria është në Europian. Kombëtarja ka marrë pikën që i nevojitej falë barazimit me rezultatin 1-1 dhe siguron matematikisht për të dytën herë në historinë e saj pjesëmarrjen në finalet e një kampionati europian.
Pas kësaj sfide historike, ka folur portieri i Kombëtares, Etrit Berisha.
“Me të vërtetë një ndjenjë fantastike. Kemi bërë një rrugë të mundimshme. Kemi bërë një gjë fantastike. E dija se do të luaja një tjetër europian. Ambiciet tona kanë qenë të kualifikohemi. Rrugëtimi vetëm sa ka filluar dhe duhet të mendojmë për europianin.”
-Më vështirë kualifikimi në 2016 apo 2024?
“Me siguri që rrugëtimi i kampionatit europian tek ai i pari ka qenë më i vështirë. Për të shënuar gol ka qenë më e mundimshme, pasi kishim ekipe të forta përballë. Kurse sot kemi lotjarë që bëjnë diferencën. Por ky kualifikim më i bukur.”
-Cili është sekreti i këtij kualifikimi?
“Sekreti është grupi. Kemi individë dhe lojtarë cilësorë. Kemi trajner që ka ditur ta menaxhojë grupin. Edhe kur kemi qenë në vështirësi kanë bërë diferencën dhe kanë ndryshuar rezultatin.”
Lexo gjithashtu
