Ditët e fundit është folur gjatë për një largim të mundshëm të mesfushorit Donjet Shkodra nga Kukësi. 20-vjeçari ka dhe një vit kontratë me klubin verilindor, por kjo gjë si duket nuk është një poblem.
Lidhur me këtë gjë, Newsport.al ka kontaktuar me mesfushorin për të kërkuar një shpjegim më të hollësishëm rreth kësaj situate. Shkodra ka treguar se është në bisedime me klubin dhe se ditët e ardhshme do të jenë vendimtare për të ardhmen e tij.
“Jam në bisedime me klubin për të ardhmen time tek Kukësi. Kam ende një vit kontratë dhe do shikojmë si do vazhdojmë më tej. Kam patur disa oferta, por nuk jam përgjigjur akoma sepse jam akoma nën kontratë me Kukësin”, ka mbyllur pronocimin e tij Shkodra për Newsport.al.
Loading ...
