Luigi Di Biaggio mund të emërohet trajneri i ri i Dinamos. Edhe pse ende nuk ka asgjë zyrtare nga ana e klubit kryeqytetas, emri i italianit po qarkullon ditët e fundit për të marrë drejtimin e 18 herë kampionëve të Shqipërisë.
Dje, dinamovitët zhvilluan një test miqësor me Elbasanin, ndeshje që përfundoi në shifrat 2-2. Në krye të pankinës ishte trajneri Dritan Mehmeti, i cili ka folur pas takimit për mediet.
Sa i përket projektit të ri që do të nisë pikërisht me trajnerin e sipërpërmendur, ai ka ngritur supet. Ndërkohë kontrata që ka me Dinamon e mban edhe për sezonin e ardhshëm në krye të “Nëndetëses Blu”. Pritet të shihet se çdo të ndodhë, ku parashikohen zhvillime të shumta në javët e ardhshme.
Poll
Lexo gjithashtu
