Merkato është afër dhe te Kukësi nuk kanë kohë për të humbur. Synimi është titulli kampion dhe një merkato e mirë do i jepte një shtysë më të madhe verilindorëve për të arritur objektivin. Mbrojtja ka problemet e saj dhe këtë gjë e dijnë mirë drejtuesit. Bajram Jashanica është një nga ”të piketuarit” e merkatos së Kukësit, edhe pse lojtari nga Kosova ka kohë që nuk luan. Shpresa se lojtari me Kukësin do arrij formën optimale, është e madhe.
Jashanica nuk është një emër i panjohur për Kukësin, pasi e kanë kërkuar edhe më parë por nuk ishin kushtet e duhura për të realizuar afrimin.Tani gjërat duken ndryshe, me verilindorët që janë të gatshëm të plotësojnë kërkesat e lojtarit. Se çfarë do të ndodhë, mbetet të shihet.
