Skuadra e Chelseat nuk po kalon një moment aspak të mirë. “Blutë e Londrës” po hasin shumë probleme në këtë sezon futbollistik, diçka që shihet edhe në renditjen e tyre në Premier League.
Ekipi i drejtuar nga Mauricio Pochettino ndodhet në vendin e 11-të në tabelën e klasifikimit, plot 14 pikë larg zonës europiane. Teksa kjo formë aspak e mirë ka bërë që drejtuesit të mendojnë për merkaton e verës.
Sipas mediave angleze, Chelsea sheh si problem kryesor repartin e sulmit, duke u futur kështu në tregun e transferimeve për një sulmues që mund t’u sjellë kualitet në ekip. Mesa duket “Blutë” kanë spikatur edhe objektivin.
Ferran Torres shihet si i duhuri nga drejtuesit e Chelseat për të përforcuar sulmin. Spanjolli i cili momentalisht aktivizohet me Barcelonën, është kthyer në një nga pikat kyçe të ekipit dhe katalanasit nuk do ta lënë të largohet kaq lehtë.
Thuhet se Barcelona kërkon të paktën 90 milionë euro për të lënë të lirë 24-vjeçarin, me këtë të fundit që ka kontratë të vlefshme deri në qershor të vitit 2027.
Lexo gjithashtu
