Pritet vetëm zyrtarizimi për shkarkimin e Migen Memellit. Rezultatet negative të siguruara në javët e fundit në Kategorinë e Parë dhe larg vendit të parë kanë bërë që drejtuesit e klubit korçarë të ndajnë rrugët me teknikun e tyre.
Humbja ndaj Korabit duket se ka vendosur pikat mbi “i” dhe tashmë kreu një i klubit po menodn për timonierin e ri që do t’i besojë “çelësat” e skuadrës. 3 emra janë në listën e Ardian Takaj, i cili do të zgjedhë të duhurin për korçarët.
Bëhet fjalë për Renato Arapin, Ardian Memës dhe Ivan Gvozdenovic. Një mes tyre pritet që të marrë drejtimin për pjesën e mbetur të sezonit, ndonëse nuk përjashtohet ndonjë surprizë. Kujtojmë se aktualisht Skënderbeu renditet në vendin e 7-të me 13 pikë pas 10 javëve të zhvilluara, plot 8 pikë larg vendit të parë që mbahet nga Flamurtari dhe Dinamo.
Lexo gjithashtu
