Presidenti i Flamurtarit sulmon sërish FSHF-në, këtë herë në emisionin "Rubrika Sportive" në TVSH.
“Në një gjyq që kemi me FSHF-në, zotërinjtë e Federatës më njoftuan me e-mail në orën 11:20 të datës 7 qershor, ndërsa seanca zhvillohej në orën 12:00 të po asaj date në Tiranë. Pra, më njoftuan 40 minuta para se të bëhej gjyqi.
Nëse nuk do paraqitesha do të merrej vendimi. Ideja është shumë e thjeshtë: Idrizi s'vjen në gjyqet tona”, tha presidenti i Flamurtarit, duke shtuar se: “Ju sfidoj ju dhe FSHF-në të vërtetojë që të paktën një herë, më kanë njoftuar ligjërisht për gjyqin me rrugën postare që ata njohin, ose me faks zyrtar. E nëse unë nuk jam paraqitur, atëherë tërhiqem nga të gjitha akuzat e mia kundër Federatës. Një herë të vetme ta vërtetojnë, për cilindo rast”.
[caption id="attachment_88219" align="alignnone" width="450"]
Faksimile e dokumentit të njoftimit të FSHF-së për klubin Flamurtari për paraqitje në gjyq, vetëm 40 min përpara orarit të seancës gjyqësore pranë Dhomës së Zgjidhjes së Konflikteve pranë FSHF-së.[/caption]
Lexo gjithashtu
