Edvin Libohova kryetari i Ligës së Profesionistëve ka hedhur më shumë dritë mbi fjalët që qarkullojnë për bojkotin e kampionatit. Kategoria Superiore ka nisur sërish në vitin 2020 me ndeshjet e mesjavës, ku ka risjellë sërish edhe problemet e kaluara.
Një çështje e nxehtë që diskutohet në zyrat e FSHF dhe brenda klubeve është pikërisht ligji i sportit dhe e ardhmja e futbollit. Libohova i ftuar në studion e Pressing u pyet nga moderatori i emisionit nëse ishin të vërteta zërat për bojkot nga ana e presidentëve të klubeve.
“Mesa di unë jo nuk ka ide për bojkot. Deri më tani nuk më ka ardhë diçka e tillë. Shpresoj që mos të ketë dhe gjithçka të zgjidhet duke biseduar. Nesër kemi një mbledhje dhe aty do të diskutojmë për të gjitha çështjet”, tha Libohova.
Loading ...
