Mërgim Mavraj nuk zbret në fushë që prej muajit shkurt. Dëmtimet e shumta dhe ndërhyrjet kirurgjikale e kanë lënë jashtë duke mos dhënë kontributin e tij për skuadrën e Grojter Fyrth.
Edhe ditën e djeshme, shtatlarti u detyrua të qëndronte në tribunë për të ndjekur nga afër takimin kundër Darmshtad, që përfundoi me shifrat 1-1. Pas sfidës, qendërmbrojtësi shqiptar deklaroi për mikrofonin e Sky Sport:
“Në ditët e ardhshme do të jem me 100% në veprim me topin”, tha ai. Në këtë mënyrë shihet se Mavraj ka kaluar problemet fizike dhe tanimë është i gatshëm të luajë. Synimi është ngjitja në Bundesligë, mirëpo 8 pikë diferencë nga vendi i tretë s’janë pak.
