Kombëtarja shqiptare e futbollit luan sot në orën 20:45 në “Stade de France” takimin numër 5 kualifikues të Euro 2020.
Si kundërshtarë do të gjejë as më shumë dhe as më pak se kampionët në fuqi të Botës, Francën, që vjen në këtë takim me moral të lartë. Kjo për shkak se precedentët mes dy kombëtareve kanë folur thuajse gjithmonë për “gjelat”.
Në shtatë takime të zhvilluar prej vitit 1990, Franca ka një bilanc tejet pozitiv, me 5 fitore, 1 barazim dhe një humbje. Disfatë që erdhi në vitin e suksesshëm të kuqezinjve, teksa prekën ëndrrën Euro 2016.
Ajo fitore është regjistruar në “Elbasan Arena” në miqësore, ku goli për 1-0 mban firmën e Ergys Kaçe, i cili realizoi një perlë nga goditja e dënimit. Gol që rrit krenarinë kuqezi, por që nuk zbeh historinë e takimeve mes Shqipërisë dhe Francës, me tanët që kanë marrë rezultate për “ibret”.
Loading ...Shkrime të Ngjashme
