Shqipëria merrte pjesë në një kompeticion si Europiani, për herë të parë. Hera e parë dhe për situatën që ishte krijuar në kampin kuqezi. Erjon Bogdani, ish-sulmuesi i kombëtares shqiptare ka treguar që De Biazi ka pasur një punë të vështirë në Francë, pasi kishte shumë situata që duhej t’i mirëmenaxhonte.
“Nuk mendoj se jemi ndikuar apo bezdisur nga mediat në periudhën e Europianit. Vetë trajneri De Biazi u ka thënë lojtarëve që të merreshin sa më pak me rrjetet sociale dhe të fokusoheshin në te Europiani, pasi ishte diçka historike për ne”, ka deklaruar Bogdani, i cili që pas emërimit si zëvendës trajner, nuk shfaqet shumë para mediave.
